Tamachtiani ten in Nechikol Se tsonti wan majtakti poal wan majtakti, Tlatlauqkitepec, weyi xolalpan Puebla,

Kayikan:

Nejua namech titanilia se weyi tajpalol ninjuan nochi in konemej ton namowan yetoke tech namoj altepemej, wan namech tajpowiti se weyi tajtol. Nijin tonalmej nejua ni yetok tech se tanechtil ken moj notsa "Parametros Curriculares en Lengua Indigena", nikan nech yolpaki tech nijin amochmej kampa kituaj ken in to masewalmomachtiani ton yetoke ten in toj kaltamachtilmej tikin nojnotsaske ka masewaltajtol wan kon yejuan kachi ki yolpan mokuiliske wan kachi moj yolnemiliske wan ki chiwaske mosta wipta tejtsa tech nin nemilis. Ajmo moj nemilikan nikin tekit semi kuali sej ki chiwas, tejuan tik majti ken tech machtijke toj tamachtiani ten wekauj tech machtijke wan kon tejuan tik chiwa; nejua na mech yolchikawa ken nejua noj nimo yolchikautok nik chiwas. Namech yolchikawa maj tik chiwakan se tatsentalilis ten miaake tamachtiani maj timo sentalikan wan kon timo yolchikawakan maj ti moj palewikan; namech nechtiolia noj amatepos takuilol: superhalcon3@hotmail.com .

Maj kuali weyi tiotsin nemechpia namejuan wan nochin ton mamech yowaloa tech namojchan. Miak tatsokamati ten na nechpia ken nan kich panoltike ten nijin takuilol. 

Namoj masewal ijniuj tamachtiani Catalino S. Garcia Rosario.